Un ami de notre Pays, de sa langue, de ses habitants, de ses traditions , Jean-Pierre Belmon , animateur de radio sur Radio France Vaucluse, Producteur de Vaqui à FR3 Marseille.
Jean-Marc Courbet, Majourau du Felibrige lui rend hommage au nom de nous tous....
Cars ami,
Belèu lou sabès deja ? Noste ami Jan-Pèire
BELMON s'es enana dins un mounde seguramen pus bèu que lou nostre, aqui ounte de
longo tout lou mounde parlo la lengo d'o / occitan ; lou bestiàri que lou
rousigavo despièi d'annado e d'annado a fini pèr gagna la
partido.Farai pas d'alòngui, lou farai en prouvençau, parla de
Jan-Pèire dins uno autro lengo me sèmblo descounvenènt !
Ramentarai
simplamen qu'es un ome qu'a viscu mai de trento an de tèms quasimen rèn que pèr
Prouvènço, pèr la lengo nostro, pèr nosto culturo.De touto si forço a lucha
pèr baia de nosto culturo e de nosto lengo un image bèu, pousitiéu, fort.Es
esta d'abord ome de Radiò, à Radiò-Vaucluso, tre 1981, emé d'en proumié "la
patantaro", pièi emé soun emessioun dóu dimenche matin. Fasié tout ço que poudié
pèr baia la paraulo i gènt, is umble, i moudèste, à-n-aquéli que parlavon, tant
que poussible la lengo naturalo de soun païs. Tant que poudié fasié counèisse li
prouducioun de nòsti cantaire, de nòstis escrivan, de nòsti musician, perqué
tout simplamen res d'autre lou fasié !Devenguè pièi sus FR3
Marsiho-Prouvènço, lou Baile de VAQUI, reprenguè aqui la fourmulo de la radiò,
aqueste cop pas soucamen dins la Vaucluso mai i sèt cantoun de la Prouvènço, en
anant filma e baia la paraulo i pichòti gènt que parlavon lou prouvençau de soun
rode, emai i creataour de tout péu de nosto culturo.Ome de toulerànci, de
respèt, de "convivença", avié quasimen rèn que d'ami, pas un que ié diguèsse
Moussu Belmon perqué tóuti ié disien Jan-Pèire !Jan-Pèire èro resta toujour
un ome libre, encarta dins ges de mouvamen, li respetavo tóuti ; i'a quàuqui
jour d'acò me disié encaro : "enjusqu'à la fin restarai un vièi anarchiste"
!Escriéurai pas mai pèr vuei, demandarai pamens en cadun, pèr bèn serva sa
memòri, d'assaja de viéure pèr la lengo e la culturo nostro autant fort, autant
belamen que l'a fa noste ami Jan-Pèire.
Jean-Marc Courbet Majourau dóu Felibrige
Cérémonie d'adieu au
crematorium d'Avignon - ch. du lavarin (près de la clinique Rhône-Durance) :
lundi 28 septembre - 8h 15 (le matin).Vous pouvez écrire un mot à son épouse
et à son fils Hugo : Hélène Belmon - 5 Av. Paul Ravoux - 30400 Villeneuve lès
Avignon - pas de coup de téléphone, pas de message
internet
Photo Michel Neumuller
|
Aucun commentaire:
Enregistrer un commentaire